This page needs to be proofread.
Item wenn dw Oben bist, mit deinē peden arm so magstu, in oben, pey der khell fassen, oder pey dem khinpackhen, vnd Jme den hals vmbreiben oder vber den ruckhen,[1] prechen, aber dw muest, woll mit, dein arm durch sein arm faren.[2]
Das Vierdt
So dw dein linckhe handt vnden hast
Vnd mit der hinter sein rechtn fueß fallen magst
Mitt der rechten an die kheel,
Thue mit schreittñ schnell
Im darüber pey dem hals
Wurff In, aussen faß In abermals
Zw welchen seytten dw wildt
Im fallen wirdt er sein mildt
So dw pist damit recht[3] gan
Er wirdt sich nit zu schizen han.
