auf den sack, unnd setze ime das haubt starck in den bauch, so wirfstu ine über den rucken auß, auf das angesicht.
Mit gleichfassen..
Item Rinngstu mit ainem gleichfassenns in den armen, so senncke dich vasst nider in dir wag, unnd schleuß deine arm mit zu, das du die brauchen mügst wann dich ainer dann mit gewalt heben will, so warrt, wann er sich nider sennckt, nach der krafft, unnd die knie beugt, so stoß ime mit deinem knie eine[n] aussen an sein knie, so wirffstu ine auf den ruggen, unnd geet zu beden seitten.
Kniestossen
Item So ainer allso das Knie stosst das du fallenn must, so hallte dich starck mit deinem rechten arm unnd reeke die füsse unnden lanng hinauß unnd schwinnge dich imm fall starck zu der erden unnd falle mit der linnggen hannd hinndter ine auf die erden, so wirffstu ine über dich auf, und haisst das mitfallen unnd der tritfuß, unnd geet von bede seitten.
Mit ainem starcken
Item Rinngstu mit ainem starcken gleich fasses
