Page:Cod.icon. 393 II 003r.jpg

Primus contactus seu conjunctio pugionum.

Contra hoſtem procedes, punctionibus necnon impulſibus utendo, poſtea dextrum pedem prępones. Sed ſi is dextrum latus pungendo adgreditur, te itidem dextrum pręponente, tum eum conatum exteriori pugionum contactu excipias, pollice tuo nodo pugionis adiuncto, verum quam celerrime poteris, pugionem verſum te ſi attraxeris, habitu eo dextrum latus acriter impellas tundendo adverſarij. Sin vero is idem contra te uſurparit, infernè pugionem regendo ſurſum hoſtis impetum removeto, pollice itidem nodo pugionis tui applicato, pugio vero exterius brachio impoſitus ex ea itaque corporis forma pedem ſiniſtrum adverſarij dextro postpones, manu ſinistra cubitum eius dextrum appręhende, abs te hostem inde ſi removeris, in ipso remotionis actu viſum figendo adversarij adpetas. Cæterum eo idem contra te uſurpante, manu ſiniſtra confeſtim eum repellas interius, interimque dextrum ſi reduxeris pedem in latus dextrum tuum, ab hoste deflectendo recedes .†.