Page:Cod.icon. 393 II 005r.jpg

Impulsus quo visus adeptitur, addito infernę aversionis habitu.

In habitu[m] modò co[m]memoratu[m] ea ratio[n]e te co[m]ponere necesse erit, sinistro pede pręposito, in manu sinistra pugione[m] directè* contra hostis visu[m] teneas. Et si vicissi[m] is pede[m] dextru[m] p[re]ponens contra te constiterit, tene[n]sq[ue]* super dextru[m] pugione[m], pollex nodo eius impositus, mucro co[n]tra hoste[m] porrectus sit, si fueris pede dextro consequutus, visum eius pulsato. Veru[m] si hostis idem contra te usurparit, pugione[m] supra brachiu[m] tuu[m] deflecte, atq[ue] sursu[m] si levaris, versu[m] latus dextru[m] punctionem hostilem repelles: Postea aut[em] sinistro pede insequutus, gemina punctione eius visum vel pectus configito. Excipiente id adversario, in triangulu[m] dextro prositias, et latus hostis dextru[m] tundas. Eius vero impetu[m], si idem contra te usurparit, repellas. Sed ex eo habitu urgendo hostem insequutus, nuditates eius proximas explorabis. Sin aut[em] id removerit, celeriter pugione circu[m]flexo pudenda eius quassabis. Cum vero ab eo idem contra te parari senseris, tu[m] sinistra[m] manu[m] hostis dextræ adiungas, et impulsu[m] eius si removeris, visu[m]q[ue] celeriter pupugeris, in tuta tui defensione ab eo recedere memineris †