Page:Cod.icon. 393 II 004v.jpg

Duæ aliæ interiores aversiones unde infringendorum brachiorum habitus formant^ur.

Dextrum pedem, Si ad hostem propius accesseris, pręponas. Et si is vicissim dextro innitens contra te constiterit, parique labore seu pugna tecum concertet, nec non pugiones invicem contigeritus interius, pugione tuo quantum poteris celerrime retracto, infernèque circumvoluto, dextrum eius brachium exterius pungito. Sed si hostis eadem ratione te adgredi conetur, pugione imposito brachio, eius impetum avertere non dubites, verum confestim supernè eius visum pungere conaberis. Sin eum conatum repellere tentarit, pugione supernè arrepto, inque punctionem* supernam aptato, infernè latus hostis dextrum figito. Cæterum adversarius cum gemina punctione contra te utatur, pugionem eius manui pugionem tenenti adiungito, manuque sinistra mucronem anteriorem adpręhendito. Sed si te consimili modo corripuerit, volveritque pugionem manibus tuis extorquere, eum hosti permittas, verum dextra manu, adversarij dextra anterius correpta, sinistra vero eius brachij partem secundum* cubitum dextrum, et si pedem sinistrum, eius dextro postposueris, atque abs te brachium eius averteris supernè, infern è attraxeris, brachium adversarij confringes.