Gemina impositio securis.
Ita compones te in hoc certamen, dextrum pedem praeponito, manum utramque mucroni posteriori securis adplicato supra caput allevatae, inde sinistro consequutus, latus capitis hostilis dextrum transversario ferito ictu. Sed si idem is contra te moliatur, sinistrum contra se praeponentem in habitu librae, et securim manu utraque contineas ita, ut anterior mucro terrae nitatur, securi sublata, capulo securis tuae, intra utramque manum tuam, hostis ictum transversarium repellas. Sin vero eadem ratione tu ab hoste repulsus fueris, tum mucronem securis anteriorem adplica brachio ipsius sinistro. Verum si idem is contra te usurparit, lamina id repellas, et interim securim hostilem lamina tuae securis intercludas, et si pro viribus mucronem anteriorem corpori seu thoraci eius infixeris, ruere adversarium ea punctione compelles.
Zway anseßen in der Mordagst.
