You are not currently logged in. Are you accessing the unsecure (http) portal? Click here to switch to the secure portal.
Wiktenauer logo.png

Page:Cod.icon. 393 II 179r.jpg

From Wiktenauer
Revision as of 04:02, 12 December 2018 by Michael Chidester (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search
This page has been proofread, but needs to be validated.

Habitus, quo ex demissa per humerum dextrum hasta trabali tua hostis equum prosternis.

Quum utrique hastas equestres hamis superioribus imposuistis iam iam concursuri infestis hastis, tui qui decipere ex habitu commemorato hostem cupis, equum tuum vertas, et subito hastam eximas, simulatoque fugam te itidem convertas, observesque num hostis adhuc te persequatur hasta trabali hamo imposita. Et si videris te ab ipso urgeri, paulisoer remoraberis donec propius te accedat adversarius tum hastam retrorsum per humerum dextrum demittas ea ratione, ut cuspis pedibus hostilis equi sit interposita, et ipsius hasta, tuae exterius iungatur. Interea autem firmiter dextra hastam equestrem contineas iuxta partem eius crassiorem, seu manubrium, nec non recta brachium pariter cum hasta si extendas, punctionem hostilem repellis, simulque equum eius prosternis. Verum postea equo tuo converso de latere tuo dextro in sinistrum, ut conspectus tuus hosti rursum sit obiectus, pro arbitrio tuo cum adversario pugnare licebit.

Retrieved from "https://wiktenauer.com/index.php?title=Page:Cod.icon._393_II_179r.jpg&oldid=101057"