Page:Cod.icon. 393 II 196v.jpg

Secunda praecedentis habitus ratio.

Cum concurristis, et utrique conamini vos mutuo equis deiicere manibus ense vacuis, tum buculam hostis manu sinistra corripito inversa, atque retrorsum urgeas hostem, vel ad te eum si traxeris, concidet. Sin autem observaris idem ab hoste fieri, tum tu equusque sitis quam proximi adversario, inde autem brachio dextro hostis sinistro externe superiniecto pro viribus supprimito hoc modo ut subdatur alae tuae dextrae. Inde si arcte compresseris, manuque laeva opem dextrae tuleris, fortiter supra stratum comprimas, atque ea ratione hostem coepisti, vel si reluctetur, sua ipsius vi deturbatur in ipso progressu, si tu constiteris, tum etiam si animus est, infringere brachium ipsius poteris, cum equum tuum de latere eius dextro sinistrorsum converteris.