Page:Cod.Guelf.1.6.3 Aug.2º 077v.png

Das gewonlich Rennenn denn schwaiff macht mann also, Der mann Ist angethon mit ainnem Renntzeug, daran ain grosser Rist hacken, unnd wider hacken, dar ein er die stangenn lett, hatt auff einn altten Renn hüott, vor Im ain grossen Stellin bartt der abspringt, Im treffenn, Die arm bloß, unnd ann schencklenn straiff dartzenn, Die stangenn mit ainem scharpffen Eisen unnd grossen schweb scheibenn, die denn halben Arm bedeckht, Der Mann sitztt auff ainnem Renn settelin,   Das Roß Ist getziertt mit ainner Ren deckhin, auch geblendt unnd gedertt, Wie die vorstendige figur auß weist, &c