Page:Cod.Guelf.1.6.3 Aug.2º 078v.png

Das New gemain Teutsch gestech mag man also Ordinieren, Der Man ist angethon mit gemainem stech zeug, auch seinen helm, hatt auff der brust ain Rist hackhen, und wider hacken, dar In man die stang fiertt, mit ainem krenlin, und ainer grossenn schweb scheibenn die denn halben arm bedeckhtt hatt, Auch ain schiltt auff der lincken seitten, darin man treffen thuott, Der Man Sitzt auff ainem stech settellem, oder Rissellin, das Roß ist getziert mit ainer stech deckhin, hatt dar unnder ain grossen stroenbausch, vornen an der brust under der deckin, gett biß ann sattell bogen, Das Roß Ist auch geblennt unnd gedertt, unnd mit ainner Stellen stirna, Wieß die vorstende figur auß weist, &c