48. Item versetz im als vor, vnnd in der versatzung fall mit deim linckenn arm in seinen Rechtenn, vnnd truck starck nider, vnnd mit deim degenn pruch sein arm hindenn nider.
Mit dem schwert ein stuck, leg dich fur mitt dem schwert als in die eisnen pfortenn, wen gener au[f] dich haut ein oberhaw, In des far auf mit gecreutztenn hendenn, mit dem schwert, vnnd drit nebenn aus, mi[t] deim linckenn zu genes linckenn, vnnd wen der schlag trift, so trit bald nach mit dem Rechten, vnnd schlag wo du in wilt. Optimum. Wen gener auf fert vnd trit, so tzuck du vnd schlag nit, vnnd stich In In Bauch.[1]
Im harnisch, ergreift dir einer dein schwert bey der spitz, vnnd du im das sein, so wirf dein schwert vonn dir ob du stercker bist, vnnd nim im das sein bey seim knopf oder Ring. Oder behalt dein schwert vnter der vchsenn, vnd wirf sein ort memẽ [?] aus, In des resch trit im ein, vnd begreif dein schwertt mit der linckenn in der mitt, vnnd windt Im dein ort vber sein arm oder hant, vnnd wind Im
- ↑ Unleserliche Einfügung. Illegible insertion.
