Page:MS Germ.Quart.2020 213r.jpg

gegen im auch in einner hut, Sticht er dir dann oben ein nach dem gsicht, So schlag im mit der lincken hannt sein glefen, beseit ab, ~Vnnd begreif dein schwert bald wider mit der linncken hannt mitten in der clingen, vnd spring zu im vnnd setz im an.

Ein annders Stuck

Merckh, Wann du hast ein schwert vnnd er ein glefen, lest er dann den ort lang fur die hannt ausgen, vnnd sticht dir domit vnnten zu dem gemacht, so begreif sein glefen, mit der lincken hannt, vnd halt sy domit fesst, vnd stich in mit dem schwert, vnnden zu denn hoden, ^vts Zuckht er dann sein glenen stark an sich, so lass sy vrbring faren, so enntplo̊st er die seitn, Domit begreif dein schwert mit der linncken hant balt wider, mitten in der clinngen, ~Vnnd volg im nach, mit ansetzen der selbigen seittn, O. wart d. Ringen.