Page:MS M.I.29 144v.jpg

Item dü magst Auch die halben gleffen mit beyd~ henden in der mit halte~ vnd do mit ab setzen glich als mit der lange~

Haulb drin nit zu^eck
Von scheiden linck zu° ym ru°ck
Griff ÿn sein rechten
So fohest du In an fechte~

Itm~ Merck ob ir bede In dem an rÿtten felen mit der gleffen So loß zu hant die gleffen fallen vnd rÿtt syner rechte~ site~ zu° vnd zuck weder swertt noch messer wurff din roß vmb dz dü mit diner lincke~ site~ kümest An seÿn rechte vnd wartt nür auff sÿn recht hant ~

Item wan du neben In kümest vnd hat er seÿn swert gezogen vnd will schlage~ so griff ÿm mit der lincke~ hãt an den elnboge~ vnd stoß yn oben von dir vnd erhebe In mit dem lincke~ fuß seÿn rechte site~ so felt er ~

Item Wiltu In nit werffen wan du In mit der lincken hant den elnboge~ begriffen hast so begriff seÿn swert bÿ dem knopff mit der rechte~ hant vnd zuch eß zu dir mit der lincken hãt Stoß ÿm den elnbogen von dir so nÿmpstu ÿm daß swertt ~