Page:MS M.I.29 147r.jpg

Item Daß ist ob ir beÿde von den gleffen wertt kümen vnd wie dz zu gangen were E er zu sine~ swert küme~ were vnd du zu dÿnem ~

+ Item So Rÿtt zu diner rechte~ site~ vnd lege din swe~t auff din lincke hãt hautt er daruff auff dich In ober haulb so fohe In hoch auff mit dine~ swert vnd versetz den haulb mit der langen schnide~ in die sterck dineß schwertz daß der ortt zu siner rechte~ siten stee vnd Indes stich noch dem hals fert er hoch auff mit der hoch versatzüng vnd wertt den stich So haulb In mit der lange~ schniden noch dem zaüm oder noch der lincke~ hãt vnd Rÿtt nebent Im hÿn wegt

Item ob daß roß dich vber trage daß Im die hant noch dem zaüm nit erlangen magst So haulb Im noch dem rechte~ peyn In dem hÿn riette~

Figuã vij

Item daß lert die syben figuã Hie heb an den teschen haulben zu° suchen

+ Item wen du Im den haulb versetzt hast als vor vnd wilt der fordern stuck nit triben so fal im mit dem knopff Inwendig vber sin rechte hant bÿ dem gehultz vnd truck die fast an die brust vnd Rytt fur dich So nÿmpstu Im sin swertt vnd die stuck tribe auß der vierden hute~ von der rechte~ sÿtenn ~