Wiltü gerüett
Lang Jagen das sere muett
Wer daß werett
So winde daß auch sere verseret
Wert er furbas
Vach den zaüm vnd biß nit laß
Item wan du Rittest mit der hutt zu dem man So stich gericht fur dich lang auß gerechte~ armen dem mã zu dem gesicht oder der brust So mueß er versetzen
Ite~ wan er dir den stich versetz vnd wiesett den ort besitz auff vff sin lincke site~ So far mit dem rechte~ arm hoch auff In daß ober gehenck stich ÿm zu dem gesichtt
Item were er dan starck vnd fertt hoch auff So Ritt an In vnd far mit diner lincken hant von Inlbendig auff vber sin rechten arm vnd begriff den zaüm vnter sine~ rechte~ arm vnd mit der lincken verkerte~ hant so hastu In gefangen bÿ dem arm ~
