Page:MS M.I.29 149v.jpg

fur daß haupt das er dan vnte~ küm auff din lincke site~ so sechstu dan haulb in dem gehultz Indes stich im zu dem gesicht zu siner lincken site~ so fechstu dan haulb In dem gehultz

Item weist er den stich ab zu siner lincke~ site~ So rÿtt neben hin Im wegt vnd haulb in mit der lange~ schnide~ hinden In den hals vnd dz ist der turckist schlagt

Item wan er die den stich ab weist zu siner lincken site~ vnd wiltu den turchsch haulb nit triben so rytt nit fur In / vnd far im mit dem knopff aussen vber sin rechte~ hant vnd stos in mit dine~ gehultz fur dich vnd mit der lincken hant begriff syns swertz knopff vnd Rytt fur dich so nympstu Im das swertt

Item Hautt er von siner lincken achsell vff dich eynen ober haulb So wind mit dem swe~t hoch vbersich auff die rechte site~ gegen syne~ haulb vnd stich Im zu siner rechte~ siten gege~ syne~ haulb zu siner rechten sytten zu° sinen gesichtt

Item Ritt eÿner vff dich mit der gleffen vnd an welcher site~ er dir will an setzen So wind gegen Im mit dem swert an sich gleffen als for vnd stich Im zu dem gesicht oder wo du In magst erhaben