Page:MS 26-232 120v.png

schneidenn hinten In den hals vnd das Ist der tuckisch haw

Item wen dw er dir den Stich abweisett zw seiner linkenn seittenn vnd wiltu den tuckischen haw nit treibenn so reitt nit fur Inn vnd far Im mit dem knoppff aussen vber sein Rechte hand vnd Stoß In mit deim gehiltz fur dich vnd mit der linken hand begreiff seins schwertzs knopff vnd reitt fur dich so nimstu Im das schwertt

Item hautt er von seiner linken achsseln auff dich ein oberhaw So wind auff dich mit dem Schwertt hoch vbersich auff dein R seyttenn zw dem gesicht

Item Reitt einer auff dich mit der glefenn vnd an welcher seytten er dir will ansetzenn so wind gegen Im mit dem schwertt an sein sein glefen als vor vnd Stich

Im die Rechten hand setz Im den ortt zw dem gesicht vnd das Ist das dw alweg solt windenn mit dem Schwertt zw Ros auß der hutt es sey gegen der glefen oder dem Schwertt vnd In des den man stechenn zw der bloeß

Item wen dw Im also zw der bloeß stichst wertt er den stich vnd kumbt nahend an dich so begreiff sein Rechte hand mit deiner linken hand vnd treib die Ringenn die vor vnd nach geschrybenn stenn

Item das lernt die neund figur Die Spricht wer den stich wert vach sein R hand In dein linke

Das ist ein hutt mit dem halbenn Schwertt

Wen dw hast gelegt dein Schwertt auff dein linke hand zw dem zawm so laß den zawm farn vnd halt dein Schwertt also von dir

Item reitt dir einer zw deiner R setten auff dich mit der gleuen so setz ab mit deinem schwertt von deiner linken handt vnd schlag dein schwertt vnter die vchssen vnd setz Im an

Item Reit zw deiner linken seitten mit der gleuen so var hoch auff mit dem knopff vnd laß den ortt hangenn zw de [!] linken seiten vnd setz also ab vnd setz Im an

Item ligstu In der hutt vnd hawt er dir obenn zw So var hoch auff vnd vach den haw zwischen dein beid hend vnd heng Im