Page:MS 963 69v.jpg

& figu^ra

Item das lert dye achzehende fygur, dye sprycht Jagk zu der rechten hant mit irer kunsten

Ob du verzagest
und an danck linck jagest
seynn schwert auff rast,
ring und stos nit vast

Item das ist, ob deyn ros hert meyllich wer oder das sych deyn wyder sacher also genn dir weret, das du an danck must zu seynner lyncken seyten zu reyten, so leg deyn schwert in dy hut auff dye lyncke hant

Item haut er dyr dan oben zu dem kopff, so far auff und versez mit der langen scheyden, und kompstu mit der versazung nahen an in, so far mit deynem lyncken arm auff seyn rechte hant und truck sye vast uber seyn lyncke seyten und stos in mit dem knopff, wo du hyn wylt

& figu^ra

Item das leret dy 14 fygur, dy sprycht Jagst du lynck, so far auff schwerts stos under augen

Schwert nemenn

Item wen du im seyn rechten arm in dye lyncke seyten dryckst, so reyt neben in weg, so mus er das schwert lassen vallen

Item auch magestu mit deynner lyncken hant seyne rechte mit sampt dem zaum fahen und damit hyn weg reyten

Item versez im eyn ober hau als vor aus der hut, und reyt neben in hyn weg und slach in mit eynem freyen uber hau auff zu dem kopff ~