Page:MS 963 64r.jpg

Das gleffenn stechenn
& fechtenn sychtigklichenn hurt ler brechen

Item du sol das also vernemen und auch wyesen,x ^{x dass x} du mit der gleffen nit solt hurtten durch rawschen, wen du solt damite sytgtigklichen reitten und nit renen, wan wer da rent und hurt mit der gleffen, der mag noch kan damith keyn kunst getreyben noch vorteyl suchen etc

Item wan dye syttiglichen reytest, so magestu mit der gleffen dye stuck wol probyren, dy vor dyr geschryben sten etc

figu^ra

Item darumb sprycht dye zwey und zweynzigiste vygura das ist in dem sper lauff, der denn andern begegnet under augen

Item das ist, das sye also forsychtig mith der gleffen I zu ros, aber mit dem schwert und dem ryngen soltu behent seyn zu ros und nit langsam, als du hernach wol heren wyrst etc

Item hye seynt aus gerycht dye 4 hut mit der gleffen

Nota hie heben sych an die 4 huth mith dem schwert zu ros etc

Item dye erste hut: Leg deyn schwert mit der mite auff dye lincke hant mit dem zaum

Item dye ander hut: Halt deyn schwert neben dyr an dem rechten beyn und das der ort uber sych ste gegen den man