Page:MS 963 67v.jpg

Item das ist dye aller beste kunst, als sy in dem ros fechten seyn mag und ist verporgen und get zu mit der lyncken hant, darinn soltu wysen den zaum anzurychten, das du li dy lyncke hant mugest frey gehaben, wen du wylt, und den noch deyn ros mugest mechtig seyn mit dem zaum, das ist gearbeyt mit ledyger hannth

Item wan du mit der rechten hant dye gleffen oder das schwert halten, darinn sprycht dye zwelfft fygur mit lerer hant zwen streych gegen aller wer

Item was kunst du mith ledyger hant solst treyben gegen der gleffen oder dem schwert oder mit ringen, das vynstu in dyesser glosen alles geschryben

Der schoff griff werett,
wer sych ringen zu dir kerett
als under aingenn
greiff recht an mit fangen

Merg das ist das beste ryngen eynes als es zu ros geseyn mag, darinn heyst es der schoff gryff, das es nit yder man versten sol,

in der glosen heyst es der schoff gryff, wan der schoff gryff ist der rechte arm deynnes widersagensch, so soltu albeg nach greyffen, wan du zu ros ryngest, wan mit der lyncken hant halt er den zaum, dy ist dyr also schedtlich

Item du solt wysen, das das ryngen gleych vor zu dem man zu get under äugen zu seyner rechten hant

Schoff griff