This page needs to be proofread.
Sunnen zaigen
Das Ist fassendinges Ringen, das magstu treiben zu allen seiten wa du ann den mann kompst
Item das treib allso Kompstu mit der rechten seitten ann sein rechte, wann Ir zusamen reitten, so hallt dich fast an In unnd greiff mit deinner linncken hannd hinden umb In, unnd begreiffe Im damit seinnen linncken Arm, unnd zeuch In fast herumb, zu dir unnd mit deinner rechten hannd greiff Im unnden an sein kinpacken, unnd stoß In dann fast von dir uber sich auf an sein linncken seitten, so kerstu Im sein Antlitz auf gegen der Sunnen, darmit gewinst du Im den schwanck ab, das er sich nit mag gehallten, wirfstu In fur dich von dem Roß
