In primam custodiam hac ratione adaptes te, quantum poteris longissime sub brachio hastam porrigito, cuspide recta contra visum adversarii conversa.
In secundam hoc modo te accommodes: hastam ut supra iam commemoratum est contineas, atque tanquam nimis ponderosa sit te simulato, verum in latus sinistrum tuum eum demittas, et iuxta equi tui collum contineas.
Tertia haec est: mediam hastam utraque manu contineto, atque supra sellam transversam sustineas.
Quarta custodia ex hasta equestri media formatur. In eam itaque hac ratione accommodabis: hastam quantum poteris longissime sub brachio porrigas, atque cuspidem contra visum ipsius hostis immittas.
Tum etiam hastam equestrem in medio utraque manu tenere poteris, et pro te eam ponere, sicuti integram.
Eos igitur habitus qui commemoratis custodiis quatuor for
