Modus ensem extorquendi
Si hostis sinistrorsum punctionem tuam repulerit, et tu turcicum ictum exercere nolueris, tu praetereas ipsum atque nodum super manum ipsius hostis dextram externe dirigas. Inde autem eum capulo ensis tui propellas anteversum, atque si nodum ensis hostilis corripueris, fuerisque progressus, ensem ei extorques.
Quando autem adversarius ictum supernum de humero suo sinistro contra te exerceat, ensem in latere dextro tuo sursum attollas contra ictum hostilem, atque visum lateris dextri fodias.
Sin autem quispiam contra te equo invehitur hasta equestri utens in primis tu curabis ut ex quacunque parte is te adgredi conatus fuerit contra ipsius impetum ensem accurate tuum torqueas, et hastam excutias equestrem, atque subito visum ipsius vel ubicunque poteris ipsum laedere adpetas.
Figura
Octava ut manum dextram torqueas docet mucronemque dextrum visui ipsius immittas, hoc est, ut eques semper ensem torqueas ex custodia vel contra hostis equestrem hastam, vel ensem,
