Page:Cod.Guelf.38.21 Aug.2º 052v.jpg

nit vil versetzest, wiltu anderst nit geschlagen werden

Das ist der tex von den versetzen

Ob dir versetzt ist,
und wie dz herkommen ist,
hör ?? ich dir rath,
Reis ab, hauw schnell mit tritten

g.m. Ist dz dir ainer vesetz hatt, und will sich vom schwert nit ab Ziechen? und er will dich zu kainen stukh lassen komen. so thu als wöllestu dich vom schwert Ziechen? und zukg dein schwert an dich bis an den halb theil der klingen und far damit ? am schwert auff, und hauw im schnell mit dem dupplieren oder mit der kurtzen schneid zu dem kopff sein ort?, also ob du imb wollest nemen, und bleib am schwert und hauw in schlecht an die klingen mit der langen schneid wider im zu dem kopff.

Das ist der tex von den 4 ansetzen

Setz an 4 enden
bleib darauff lehre wiltu enden

dz ansetzen ist ein erst stukh, wan ob gen nach den 4 blosen und gehort zu treiben wen du bald end wilt geben,

Item dz ansetzen treib also, wen du mit dem schwert mit dem fechten zu im kompt, so lag dich mit dem schwert in die hut des oschsen oder des pflucgh, will er dir dann oben einhauwen oder stechen von seiner rechten seitten, so kom vor mit versetzung, und scheub im den langen ort ein zu der blos seiner lingkhen seitten, und wart ob du im mügest ansetzen oder hauwen er die oben ein von seiner lingkhen seitten, so scheub im den ort ein und setz im an desselben gleichen thu auch wenn er von der lingkhen seitten unden auff hauwet wert er dann das ansetzen so versetz und bleib mit dem schwert auff dem seinen, und arbait behend igklich, zu der nechsten bloss so lastu in zu kainer kunst komen.

Das ist der text von dem nachreissen.

Nachreisen lehren
zweifach oder schnied in die wehr
zuers ausere nim
dein arbait D?? begine,
und brieff die g'fert
ob sei seind waich oder hart

g.m. der Nachreisen ist vil und mancherlei, und gehören dir zutreiben mit gnossen fursichtigkait gegen den feht eren, die da ausfaren und im langen hauwen fechten, und sonst von recht kunst D?? schwert nithtz haben.

Item dz erst stukh aus dem nachreisen treib also, wen du mit dem zufechten komest