Page:Cod.44.A.8 045r.jpg

an sein swert vnd stich ym oben ein zw dem gesicht Also ~ soltu auch absetzen weñ er auf dich sticht mit der glefen wenn die winden vnd die absetzen sind die pöst kunst zu° ross

Das ist der text vnd die glos von den plössen des mans

Bedenck die plöss
such messer nicht wartt klöß

Glosa Merck das ist wenn dw also nahent zw ym kumpst das dw Im mit dem zawm gefangen hast oder sein rechte hant mit deiner lincken begriffen hast so soltu gar eben bedencken zw wellicher plöss dw in am pesten gewinnen magst vnd ob dir In der näch dein swert zw lanck wird das dw do mit nicht gearbaitten kündest So arbait mit dem degen oder sünst mit anderñ kurtzen weren ob dw zw dein° wer nicht ku~men magst So nym ym die sein vnd arbait do mit zw den plössen zw° den dw am pösten magst kumen das ist zu° dem gesicht oder vnder den vchsen oder auswendig auf der hant In den hantschu°ch oder inwendig In die hant zu° dem tenär vnd in allen glencken des harnasch Auch soltu zw einer ferren plössen nicht zu° arbaitten wenn dw ein nähere für dir sichst

Das lert die zehent figur Die spricht also Su°ch die plöss arm~ leder hantschu°ch vnder den augen

Das Ist der text vnd die glos von