Page:Cod.44.A.8 049r.jpg

in das gesicht

Das ist der text vnd die glos vom swert nemen

Der messer nemen
behalten lere an schemen

Glosa merck wenn dw zw Im reittest vnd an yn kumpst mit deiner rechten seitten an die sein So haw ÿm oben starck ein zw° dem kopf vnd stich ym zw dem gesicht Vor setzt er den stich so hurtt an ÿn vnd begreiff mit lincker verkärter hant sein rechten arm~ vorñ vnder seinem knopf vnd halt yn also vest vnd peug dein lincken arm~ auswertz an dem gepint seins swertz So mues er das swert lassen vallen Dennoch magstu ÿn halden mit der ain hant vnd mit der anderñ slach

das lert die xv figur Die spricht also Der messer nemen vnd behalden gedenck etc

Das ist der text vnd die glos von dem stuck das da haist der vngenãt griff

Den vngenanten
den starcken In in verwant
Ir slahen Ir stechen
verdirbt an alles vechtñ

Glosa Merck das ringen haist der vngenant griff dar vmb das es yederman nicht versten sol wenn man macht do mit einem starcken alle sein häw vnd stich zw nicht an alles vechten wenn man In recht do mit begreifft den treib Also ~ Merck wenn du chumpst mit dein° lincken seitten an sein rechte hat er denn sein