So treib deinew stuck do mit behendtleich so mag er dir sy nicht geprechen Oder begreifft er dich vor so wart das dw Im das behendtlich prechest So mag er zu° dem stuck nicht ku~men Des geleichen soltu die zwaÿ ding mercken mit aller wer zu° ross Do mit werden die betrogen die sich auff ir sterck verlassen vnd vor rechter kunst nicht wöllen halden ~
Hie merck das vechten mit dem kurtzen swert zu° Ross
Wenn du gegen ym reittest So halt dein swert mit der rechten hant peÿ der hanthab vnd mit der lincken greiff mitten in die klingen vnd leg es also fur dich auf den satelpogen Reitt er dir denn auff dein rechte seitten gegen dir vnd haut dir oben ein zu° dem kopff So vorsetz mit dem swert von deiner lincken hannt uñ stich Im zw dem gesicht
Oder chumpt er ze nahent an dich das dw Im nicht zw° stechen oder an setzen magst So var ÿm mit dem voderñ tail deins swertz vorñ vber sein lincke achsel vmb den hals vnd ruck yn do mit zw dir auf die seitt So feltt er
Aber ein stuck mit dem kurtzen swert
·:~Wenn dw gegen ym reittest mit dem kurtzen swert Reitt er dir denn zu° der rechten seitten vnd sticht dir zw dem leib Das setz slëcht ab mit dem kurtzen
