Page:MS Germ.Quart.2020 227v.jpg

finis, der estn Huet.

Wie du aus der obern huet mit dem knopf schlahen solt, das vimstu do hinnten gschriben, in dem stuck, das spricht, des fodern dues du mit schlegen warten muest : ~~ :

Das ist die annder huet zu Kampf, do schickhe dich also mit, Ste mit dem lincken fues vor, und halt denn schwert mit der rechten bey der hannthab, und mit der linncken greif mittenn in die clinngen und halt es neben deiner rechten seitten, unndersich mit dem knopf, gegen deinnem rechten knie, und das der ort ybersich stee, dem mann gegen dem gesicht oder Prust. ~