den arm~ ~
Ain gu°t vnderhalden
·M·erck wurfstu ÿn nÿder vnd er velt auf den pauch So sitz grittling hinden auf ÿn nahent zw seinen schultterñ vnd zeuch ym sein rechten arm~ vber dein rechts pain vber dein diech vnd sein lincken arm~ zeuch vber dein lincks diech So mag er nicht auf chömen vnd mues also vnder dir sterben ~
Aber ein vnderhalden
Merck würfstu In nÿder vnd er velt auf den ruck So val ÿm mit dem leib die twirch vber sein antlütz vnd vass yn peÿ dem hals vnder einen arm~ vnd halt In also vest vnd mit der anderñ hant ruck ym den arm~ aus Do mit er sich behelffen wil So mag er nicht auf chömen vnd arbait mit dem degen ~
Das Ist der text vnd die glos von der wer die zw° dem kampf gehört vnd wie man mit den örterñ arbaitten solt zw° den plössen
In aller were
den ort gegen der plöss kere
Glosa merck das ist ein ler das du mit aller wer die dw zw dem champf gehört dem gewappentm~ mann den ort nindert solt ansetzen wenn zu° der plöss do er zwm pesten zu° gewinne~ ist
