vert vber dein rechte achsel So lass dein swert vallen vnd begreiff mit der rechten hannt sein rechte vnd mit der lincken fass In peÿ dem rechten elpogen vnd spring mit dem lincken fuess sein rechte vnd treib den arm~ pruch oder ruck in vber das linck pain
Ein prüch wider den prüch
Merck wenn er dir mit dem knopf vmb den hals varen wil So begreiff mit der lincken hant sein rechten elpogen vnd stos in do mit von dir vnd mit der rechten stich In mit macht hinden zw dem ruck
Merck einen gu°ten pruch
Merck wenn er dir mit dem knopf vber dein rechte achsel vmb den hals gefarñ ist So begreif mit der lincken hant von vnden auf zwischen seinen paiden arm~ vnd begreiff ym do mit sein rechtñ arm~ vnd haltt fest vnd wendt dich von ÿm vmb auf dein rechte seitten vnd würff In vber dein lincke hüff
Aber ein pru°ch
Wenn er dir mit dem knopf vmb den hals varen wil So begreiff mit der lincken hant hinder seiner rechten sein swert peÿ der hanthab oder peÿ dem knopf vnd druck das vndersich vnd setz ÿm mit deinem swert an wo dw wild
Oder var/ /ÿm mit deinem knopf vnder seinem rechtñ arm~
