Page:MS Germ.Quart.2020 247r.jpg

Die erst versatzung wider die schleg mit dem knopff ·· ~:

Ist einer starckh unnd maint er woll dich mit dem knopf wider schlahen, So stee gegen im und halt dein schwert yber dein linckh knie, in der huet Schlecht er dir den mit dem knopf von seiner rechtn agsl, oben ein zu dem haubt, so streichim den schlag ab mit dem schwert, fur deiner linncken hannt, vom deinr linckhen seitn gegen seiner rechtn rechtn seitn, ~ Unnd var in die ober huet, unnd setz im den ort in das gsicht,

~ Schlecht er aber von seinr lincken agsl oben ein zum kopf, So streich im den schlag ab, mit dem schwert, fur deinr linckhn hannt, von deinnr rechtn seitn gegen seinr linckhen und setz im an.