Page:Cod.I.6.2º.5 9r.jpg

Maister dailen dass Schulgelt

Auch soll man kein maÿster machen Er geb dann 2 ß auff das schwert als vorstet vnnser lieben Frawen jn die Bruderschafft vnnd Büxen, vnnd den maistern 3 ß die jn dann zu maister lassen vnd dieselben 3 ß sollen die maister mit dem Schulgelt mit Einander Theillen /

Nota wass ainer geben muss

Welcher mayster nit mit dem Newen Mayster One Vrsach Ficht der soll kain Taill daran haben /.

5. Wann mann von der Schul geth zu dem Wein so sol man dem Newen Maÿster die vrten schencken vnd soll Sunst auff das zil kain andere thail mit nehmen /.
Ob aber derselben New maÿster Einer herwider keme Vnnd wolt weitter maÿster werden den sollen die maister aber Firstellen vnnd Fechten lassen daruon soll Er den maistern Ein mas maluasier geben doch so fer, das Er vor die 5 β bezalt habe /. Welcher aber jn den kampff versucht wolt werden das soll stehen zu den maistern die jn versuchen was sie nemen wollen /.

Allso soll man Ein hauptman Erwellen

Der alt haubtman soll die Erste köre haben vnnd darnach Einen ÿeglichen jn sonderhait haimlich Fragen, vnnd den man wellet soll Er heimlich affzenhnen, vnd welcher Dann die maist waal hat der sol 2 jar haubtman sein On alle widerred

[Vnnd Au?]

Third writer, probably Paulus Hector Mair

Sheet cut, last sentence/title illegible.