- [?][taris maria anno][1]
- Franckfürter Fechter Ordnung[2]
1566 Vonn denen Maister des Langen Schw schwert[er] dj 20 decemb[er] vber kumben[3]
1491
Auff das die dinge die da geschechen nicht beflickt worden mit vergessen so soll man das gedachtnus stercken vnnd werig machen, mit schrifften Darumb so seind haubtman vnd gemaine Bruderschafft vnser lieben Frawen der Raine junckfrawe maria vnd des hailigen vnnd gwaltsamen himelfürsten Sannct marxen Einsam lichen mit wolzeitigen Berathen muth jm versamleten capittl vberkomen vnd Redlichen beschlossen ganz steth vnd vesst Furtermehr von Einem jeden Fechmayster der jn die Obgemelte Bruderschafft zu maister gemacht zugelassen vnnd gehalten wurd also wie nachsteth zu halten zuthun vnnd nach auß weyßung, der Ordnung gebotten vnd verbotten zulassen bei peen vnd straffen hienach geschriben Doch vorbehalten Einem Capitel gemainlich nach gelegen hait vnd gestalt der zeit vnd der leude zu mindern zu merzen vnd zu andern Ongeuarlich.
Zum Ersten nach dem vnnd auch von alter herkomen jst. So sezen Ordnen vnd wellen wir das man hinfür allen Fronfasten auff den Freitag vnd auff aller Seelentag Soll jn dem Cor der Closter gut zum Bredigern zu Franckfurt Ein velmesse thun halten durch ainen daselbst Conuens heren den Ein Prior daselbst zu jeder zeit darzu thut Ordnen auch auff den Nechsten tag nach vnnser Frawen tag als sie geboren ward Ein seelmeß leßen für der Bruder seel die jn vnserer Bruderschafft verschiden vnd Abgangen sein vnd alle glaubig sellen
- paulus hector Mair zu geherig[3]
