Page:Cod.I.6.2º.5 11r.jpg

Jn disem jar haben wir maister sampt dem haubtman Rechnung gethan vnnd Bezalt jst noch bliben jn der Büx 8 ß jn gold 2 Bazen

Anno 1510

Jttem haben wir die maister Sambt Conrat lindner haubtman gerechnet vnnd Bezalt vnnd jst Bliben jn der Büx 6 ß an gold vnd Einer vnnd E an gelt 3 [alb]

Jttem nach der Rechnung die da geschechen jst so haben wir geliffert jn die Bux vnnd jst Bliben 16 ß an gold vnd 4 ß an gelt

1512

Jttem nach der Rechnung die da geschechen jst so haben die maister vnnd Bruder verhenget vnnd Erlaubt dem haubtman das Er 6 ß 5 ß auß der Büx genomen zu ainem gemainen nuz der Bruderschafft auß zu Rechten das jm Besolchen jst vnnd samen mit Bruder mit nam herman Sÿdler vnnd Cristiang von dallenburg[en] zu Cöllen

Jttem jn der Fastmeß anno 1513 haben die maÿster auff den Balmtag mir Conrat lindhaimer haubtman der Bruderschafft vnnser lieben Frawen vnd Sannt marxen vergönnet die Bruder vnnd maister vnser Bruderschafft mit Namen hainrich versickh vnd herman Sÿdler Niclaus werkman vnnd gangolff Reppe das man soll geben vnnserm haubtman auß der Büx 10 ß Reinisch was Er auß hat müessen geben vmb wegen willen der Brieff vnd Bestettigung