Page:Cod.I.6.2º.5 12v.jpg

Jttem jm jar 1534 jst bei mir zu maister geschlagen wol^rtten jn der Fastmesß mit Namen Fran[z] pillendorff von lignitz vnnd valtein Frosch von wormbs vnd jst jeglicher seine 2 ß g^schuldig bliben jn die geselschafft /.

a[nn]o 1534

Jst bei mir maister laux Braun zu maister geschlagen worden mit namen Blaßius valten von Rauenspurg. seckler vnd Paule heuffer von zwickaw vnd wilhalm von der Burckh faß Bender, vnd jst jeder ain ß Schuldig/

Jttem jn disem 1534 jar jst in meiner haubtmanschafft jn der Herbstmeß das meß gewandt vnd alles was darzu gehört von den maistern auß den Clostern genomen worden vnnd haben die münch quitiert vnd seind dise nach benennte maister zu diser zeit Dabei gewesen, mit namen jch Laux braun von Franckfurt haubtman Anthoni Rasch von Niermberg, Thoma Freidanckh von Cöllen Balthasser holzschuher von wormbs jerg Seÿbert von Eißleben

Jerg heinrich von schwebischen gmindt, Franz pfellendorff von lignitz Blessius valtin von wormbs Paulus heuffer von zwickaw, wilhalm von der Burg /.

Vnnd haben mit Ain Ander beschlossen dise nachuolgende Ordnung steht vnnd Vest zu halten Vnd von keinen darwider gethan werden soll Es sei gleich wer Er will.

~~ Der den Maister verpflicht Jst /

Jtt jm jar 1536 jst bei mir laux braun zu maister geschlagen worden mit nam petter gelinbrot von wormbs vnd jst seine 2 ß noch Schuldig /. Bliben