8. Jttem Welcher maister solch vorbenante prob vnd stuckh nit hette der Soll An keinem thail des maister gelt oder Schlul (sic) gelts haben, bis so lang vnnd vil bis Er solchs gelernt ohn alle zu Rede keinen thaill neme/.
9. Jttem es sollen auch alle maÿster die schuller haben von Einem jeden sein gelt so jme jn dem arltticuls brieff angezaigt alle meß gen Franckfurt dem haubtman vberlifern, oder schicken bei seiner trewe, Vnnd welcher maister solchs vberfure der soll nach Erkantnus der mit Bruder gestrafft werden /.
gellt[1]
10. Jttem so Ein Newer maister fürsten will vnnd begert maister zu werden soll Er zuuor seine articul vorbe nent vor dem haubtman gnugsam beweren vnnd dem nach so soll Er Offentlichen fürgestelt werden vnnd jn seiner Kunst vnnd maisterschafft gebrauchen vnnd brobiern lassen vor aller menigclich vnnd welcher sein begert auff freÿer walstat doch jnn Freÿer kunst dem selbigen soll Er zu willen werden vnnd mit Einem jeden zwen geng One abschlag. zu willen sein, vnnd ob Es sach were das Er solch kunst gebraucht, vnnd vnuerlegt nach Erkantnus des Haubtmans vnnd gemainer maister bestat, als dann soll Ein jeder maister Einen ganng mit dem Schwert thon vnnd jne wol versuchen als vil maister so verhanden weren vnnd wer Es sach das Er solch maÿster der Kayserlichen Freihait gnugsam wid[er]standt, thette vnuerlezt so soll Er dar nach Offentlich seinen aid thun vor allermenigclich /.
hie stelen[1]
