so passire ihm gleich vnden mit der secunde vor den leib, solte er aber auch vnden pariren so cavire im fort gehen uber die klingen v: passire mit der tertie oben hienein.
stößet dir einer inwendig secunden so voltir ihm gleich in der quard entgegen
stößet er dir auswendig so cavire vnden durch vnndt voltire ihm gleich vor den leib.
leg dich in secund. stößet dir einer inwendig hienein so nim mit der handt weg vnndt stoße lang nach oder passire drauff
nimb die kling inwendig mit der secunden weg v: passire gleich in quard fort.
mach einem auswendig ein halbe voldt greifft er darnach so cavire im hienein trehen vnder der klingen weg vnndt passire in der tertie hienein.
mach einem findt in der quardt greifft er so passire in secund fort wenn du siehest da er dir die klingen dämpfet
so cavire im fortgehen vnntd passire in der tertie hienein. auswendig uber dem arm.
Thudt einer als woldt er dir vnden stoßen so mach ihm gleich find oben gehet er darnach so stoß vnden lang secunda.
[1]stoß einem tertie caviret er so cavire mit v: mach ihm auswendig find vergreifft er sich so kanstu lang secund stoßen oder passad [2] machen
