Page:MS Chart.B.2117 260v.jpg

stringiret dich einer inwendig so cavir uber die klingen vnndt nimb mit der tertie die selbe weg v: passire gleich in der tertie fort

item so dir einer inwendig stringiret so cavire uber vnndt passire ihm mit der tertie vnden fort.

leg auswendig mit der secunden an umb uber caviren nimb die kling inwendig mit der secunden weg vnndt stoß lang quardt drauff parirt er starck in dem du die kling weg nimmest so cavire geschwindt durch vnndt stoß tertie, caviret in dem du inwendig hinweg nimmest hin wiederumb so stos in die cavade lang tertie oder secund oder passire auch in der tertie fort

stöst dir einer lang quardt so mache den revers drauff

liegt einer mit steiffer klingen vor dir, so ge nimb ihm mit kurtzem arm in der quardt die kling weg v: stoß lang quardt darauff

leg die lincke handt auf deinen rechten arm stost dir einer tertie so nimb mit der handt v: stoß quardt des gleichen

thue so dir einer quardt stöst.