Page:MS Var.82 063v.png

vnntenn vnnd obenn. Item wenn du einem hast angesetzt, vnnd der starck wider ist, das du in nit gedringenn magst, vnnd er greift vnten durch sein schwert mit seiner linckenn handt, vnnd begreift dir dein lincke, vnnd wil dir das gewicht nemenn, vnnd dieweil dir der [!] arm vmbreittet, dieweil setz im an vnnter die linckenn vchsenn, so gewinstu im die schwech an, wie starck er ist, das hilft in nit. Item stich mit einem gleich ein, aus der vnnternn hut vonn deiner Rechtenn seittenn, vnnd biß starck am schwert, vnnd ist er auch starck so far mit dem knauf vbersich auf mit der Rechtenn hanndt, vnnd mit der linckenn handt, leit Im denn ort vber sein linckenn arm an die brust oder vnnter sein lincke vchsenn, vnnd setz im an, vnnd wind alweg mit dem ansatz vnter die vchsenn in die hut.

Item das sein die vnnterhabenn vnnd aufstehenn im kampf.