2b Daß ist dem forigenn fast glich dan so [1] Einer ein oberhauwt So haw mit eim zornhauw zu seiner sterck in die wehr mit eim abthrit indes stich uber die hand zu süm gsicht wert er das so hauw im zum fus das gechet von Beidenn seüttenn
[Marginal note: überheng]
Ein ander stuck
3c. Hauwt dür einer ein oberhauw So hauw mit eim zornhauw in sins messers sterk vnd thrüt mit dim R. F zu seiner Rechten seiten indes wind mitt deim heft an siner klingen vnden durch oben über sein rechten Arm Zeich im den Arm mit dem knopf zu deim leib fal im mit der lincken hand auch an den arm oberhalb dem gelenck Stos mit der lincken hand fon dir v~d halt mit deim heft sein hand starck an deim leüb so mus er falen oder brechen ·;·
[Marginal notes: uberwinden
brechen]
4d. ITem gan im lincken zornhauw hauwt err einn thachauw So haw gegen im von diner L. seiten starck in sein sterck indes heng im den ort zu siner lincken asselachsel über die hand hauw im alsbald zũ Rechten beinn ·;· oder
[Marginal note: hengẽ
ebich heist mit letzer hand]
- ↑ Illegible deletion.
