Page:MS Var.82 117v.png

oberstich

Spring vnd stich im oben ein zum gsicht ein ober stich lang hinein indes wend mit dem hefft vmb gegen seiner rechten thritt vnd hauw im zum fus

[Marginal note: fus h.]

Itẽ Stich wie vor zu seim gsicht zuck wider an dich vnd hauw ein mitelhauw durch, als dan Secz im sein hergebrochten streich ab mit der langen schniden von deiner lincken Seüten vnd thrit vnd stich im zur nesten blös

[Marginal note: Zucken

absetzen]

vnderhauw

[Marginal note: vnderh.]

Itẽ hauw ein vnder hauw von deiner lincken seiten starck nach seiner rechten indes thrit mit dim lincken zu seiner rechten wind din heff vndersich stich im zum bauch vnd auf.

[Marginal note: bauch stich]

Itẽ thu ein vnderhauw von diner Rechtenn indes thritt wind den stich vnden en zu seinẽ bauch thrit wol mit diner rechten vmb sein linck heb indes din gefes übersich hauw im ^zum arm versecz ers zuck durch stich im zur andern blos