Page:MS Var.82 113r.png

5 e Las ein Stich Laufen durch ein vnderhauw zur Rechten hüft Oder versetz mit eim geschrenckdem zornhauw von oben nider indes stich im zum gesicht werd ers So h hauw ein mittelhauw zum buch durch als dan thrit vnd hauw langk zu seiner rechten, mit eim abthritt :

[Marginal note:] hüfftstich

6 f ITem hauwt dür einer ein oberhauw So haw mit dem zornhauw durch gegen Seinem streich von deiner rechten achsel den andern zum fus ·;·

[Marginal note:] fuge h.

entwecker

7 g Der wecker ist allso wan du ein hauw zu man hauwst ein oberhauw oder vnderhauw So hauw in starck auff seine klingen vnd heb die klingen nit von seiner wehr wüder auff sonder bleib hart auf seiner wehr vnd stich also im streich mitt gesencktem ort zur blös ·;· Dorumb sprücht der vers weck auff behend, Denn ort zum gesicht wend

[Marginal note:] wecker

Item weck mit schnidten	Zuck behend mit thritẽ
It~ weck alle threfen,	wildtu die mester effen ※