Nachreissen zwifach
Den alten schnid mit mach.
Das ist das du die nachreissen solt treiben zu beiden seitten vnd den schnid auch darein brengen Vnd das vernyme also Wenn er sich vor dir verhewet es sej von der rechten seitten oder von der lincken seitten So hawe Im frolich nach zu der plösse Fert er dann auf vnd pint dir untten an das swert So mercke alsbald ein swert an das ander glitzet so falle Im Indes mit der langen schneiden auff sein arm vnd druck mit dem schnid unttersich oder schneide Im nach dem maul etc.
