oder der prust Vnd setze Im an so kan er dich vnden nit erlangen Vnd fert er denn von vnden auf vnd versetzt so bleib mit der langen schneiden starck auf dem swert vnd arbeit behendiglichen zu der nechsten plösse etc.
Item merck Wann du Im starck auf sein swert gepunden hast slecht er dann auß der versatzung vmb dir zu der andern seitten so pinde Im aber mit der langen sneiden starck auf sein swert oben zum kopffe vnd arbeit zu der plösse als vor Das treibe zu baiden seitten etc.
