Page:Cod.44.A.8 087v.jpg

schlahen oder auf die arm~ püg der vor gesatzten hant oder in die knÿepüg des voderñ fuess vnd wil er dir das werñ wenn dw In schlechst nach der knÿepüg vnd wil dich oben vberlauffen So vorsetz ÿm den schlack mit dem gehultz vnd setz Im den ort in sein gesicht ~~~

Item was man mit dem knopf schlecht das haissen die doner sleg dw magst In auch vnder die augen in das visir do mit slachen

Item merck einen aus dem kraiß zu° füren an seinen danck So greif nach eine~ vinger zw° der lincken vnd prich vber sich Oder stich In oben in den hantschuech in die hant vnd heb daz swert mit der hant vber sich vnd für In aus dem kraiss wisse das ist gu°t vnd auch ver porgen ~

Item wildu einen man werfen der dir hat an gesetzt So vbergreif mit der lincken vber sein lincke vnd nÿm das gewicht peÿ seinem lincken elpogen das ist gu°t ~

Also prich das

Wenn er durch greiffen wil So prich ÿm die hant vorñ peÿ dem gelied mit deine~ swert ~

Das ist die ander hu°t In harnasch zu° kampf

Nÿm das swert in paide hend vnd haldes vber dein knÿe vnd gee zu° dem mann Sticht er dir denn vnden zu° so wer ÿm nicht sunder setz ÿm an sein gesicht Oder