dem elpogen ~
Merck wenn dw mit deine~ degen vber sein hant gefarñ pist so greif mit deiner linckñ hant vnden durch dein rechte in dein degen klingen vnd druck dein arm~ vast zu° samen vnd ruck vast vnder sich so hastu Im den arm~ gefangen ~
Merck hat er den degen gefast das die scheib hinden an der hãt stet vnd sticht dir oben zu° so verker dein lincke hant vnd begreif im do mit sein rechte vnd mit der anderñ hant stich ÿn wo dw hin wild oder begreif Im das pain mit der rechten vnd chum also zu° ringen ~
Merck wenn du Im mit lincker vorkarter hant sein rechte hant begriffen[1] hast so slach in mit der rechten hant von oben nyder in die arm~püg vnd prich ÿm sein rechten arm~ vber deinem rechten ~
Item wenn ein° von vnden auf sticht so stich du starck von oben nÿder den hölen stich vnd tempf ÿn ~
Merck das haist der schlüssel dar vmb das man alle schlos do mit auf schleust der get also zu wenn einer auf dich sticht mit eine~ degen vnd du in den henden kain were nicht hast so stee still vñ leg dein hendt eine auf die ander dar aus soltu auf schliessen alle schlos gegen dem degen einer stech auf dich oben
- ↑ das »b« war ursprünglich ein »g«
