Page:Cod.44.A.8 094r.jpg

Das Ist das fechten das maister martein huntfeltz gesatzt vnd geticht hat mit dem degen Dem got genädig seÿ

Merck wenn dir ein° zu° sticht mit dem degen vnden zu° dem leib vnd hat den degen gefast das die scheib vorñ an der hant stet ~

Das prich also

Item halt dein lincke hant für dir an dem pauch vnd wenn er vnden zu° sticht so slach In mit der lincken hant oben auf sein rechte arm~ vnd var Im Innwendig vnden durch sein rechten arm~ vnd das dein lincker arm~ aus wendig auf sein rechten chüm vnd trit wol zu° Im vnd heb vber sich vnd prich ÿm den arm~ vber dein lincke achsel ~

Das ist ein ander pruch

Merck wenn er dir vnden zu° sticht so fall ÿm von oben nider mit der lincken hant in den degen das dein daum von dir stee vnd slach mit der rechten hãt von vnden auf ÿm vnder sein rechte arm~ vorñ peÿ der hant so volgt dir der degen

Aber ein pruch

Merck wenn er dir vnden zu° sticht so begreif im die hant mit deiner