Hie hebt sich an Maister Marteins Hundtfeltz kunst Dem got genädig seÿ Mit dem kurtzen swert zu° champf In harnasch aus vier hu°ten
Merck das ist die erst hu°t
Nÿm das swert in paid hend vnd schüt das krefftigcleich vnd kum in den hangenden ort zw dem rechten ör vnd stich ÿm zw dem gesicht vnd setz ÿm an in das gesicht oder wo das ist Wert ers so zuck vnd gee durch mit dem stich vnd setz Im an als vor vñ wenn du ÿm hast an gesetzt So schlach dein swert vnder dein rechtzs vchsen vnd dring ÿn also von dir hÿn ~
Ein anders stuck
Stich Im zu° als vor Wert ers mit dem voderñ ort fur seiner lincken hant vnd setzt an So val ÿm mit der lincken hant in sein swert peÿ dem ort vnd weis ÿm den stich ab vnd stich ÿm mit der rechten hant krefftigklich zw den hoden Wirt er des stichs gewar vnd felt dir auch in das swert So würf dein swert ÿm für die fuess vnd vach Im oder begreif ÿm den selbigen arm~ vnd prich ÿm den ~
Ein anders
Auch magstu aus der oberñ hu°t mit dem kloß des swertz im zw dem haubt
