Dier mit slegenn vnd mit dem chnopf arbaitenn volg im nach mit nachraysen vnnd laß nit ab chumenn so mag er weder ge slahenn noch gestechenn wann es wierd zw churcz
was dw an seczenn wild das secz an das gesicht ann die drussel oder an die tennck achsel oder vnnder die ṽechsenn vnd dring in also von dir hin /
Item merck ebenn seczt im ann die rechtenn seytenn so trit ab mit dem tennckenn fueß seczt dw im an die rechten seytenn so trit ab mit dem rechtn fues secz dw im ann der tennckenn seytenn so tritt ab mit dem rechtenn fueß vnd lauf im durch vnd druck In an ein seytenn vnd lät er dier dy seytenn stoß in an die haubenn das ist das chrennckist an dem mennschenn
Wenn dw im hast an geseczt vnd ist er lenger wenn dw so druck also geleich fur dich hin ab das der ort also geleich vber sich ge vnd im wol in die ring geuast
yst er churczer wenn dw so las dein swert mit der hannd absinckenn vncz auf die recht huff vnnd also var auf vbersich mit dem ort vnd vnder die ring wol gesaczt als vor vnnd laß In nit ab chömen vnnd wil er denn mit dem chnopf arbaitenn so merck das nach volgenn mit dem ort so chann er zw chainem ding nicht chumenn
Item wider das anseczen in das gesicht prich also stich im vnden Im vnden [!] / die In // hannt die er vor fur hat geseczt auf der chling vnnd fuer in also aus dem chraiß oder stich im vber sein vorgesaczte hand vnnd durch das swert vnd druck denn chnopf nyder zu der erdenn vnd secz ann oder secz im ab zwischenn deinen paidenn hennden vnd mit dem chnopf gestossenn fur den hals vnnd Vnnden mit dem rechtn pain getretn hinder sein tenckenn vnnd dar vber geworffenn oder secz im ab mit dem ort vnd im angesicht an sein gesicht
Item der durchwechsel mit dem chnopf vnd secz da mit ab Item hat er die / chlingen / hant auf der // chlingen so stich im oben in die finger vnd heb vber sich auf
aber ein pruch wider das annseczenn Stich vndenn durch sein hannt vnd vber sein swert Enpur dein hannd chnopf vber sein tencke hannt vnd ruck domit nyder vnnd secz ann
