Item eyn stuck vß dem rechten vnder leger, stycht der man den zorn stych zo dyr, stoyß ym abe myt hangenden ort vnd slach ym nach der nechsten bloyß eyn streych zween ader dry :~
Item eyn stuck vß dem linck vnder leger. sleyt eyn man zo dyr so versetz ym myt dem bogell vnd slach ym nach der nechsten vsen bloyß so moyß er wychen ader wyrt geslagen :~
Item eyn stuck heyst der gaßen hewer sychstu eyn ader zween vur dyr staen so hew fry vß der rechter syten vnd frysch vff vß der lincken als fry van eym yn den andern so moyßen sy wychen ader verdenn geslagen :~
Item eyn gut stuck wan du myt eym fechten sulß der nidich yst, bruch den langen stych na sym gesycht starck ij. iij ader iiij mael vnd slach ym nach der
